Москва, 29 април 2025 (МИА) - Кремљ денеска соопшти дека Украина сè уште не одговорила на повеќекратните предлози од рускиот претседател Владимир Путин за директни мировни преговори, ниту за најавеното тридневно примирје во мај. Според портпаролот на Кремљ, Дмитриј Песков, Русија е подготвена за разговори без никакви предуслови.

- Претседателот Путин многупати кажа дека Русија е подготвена за преговори без никакви предуслови. Но, досега не сме добиле никаков одговор од режимот во Киев, рече Песков.

Путин вчера најави примирје од 8 до 10 мај, за време на прославата на 80-годишнината од победата над нацистичка Германија во Втората светска војна.

Украина, пак, реагираше со прашање зошто Русија не го прифаќа нивниот предлог за прекин на огнот во траење од најмалку 30 дена.

- Ние ги цениме животите на луѓето, а не парадите, изјави украинскиот претседател Володимир Зеленски.

Песков изјави дека е тешко да се процени дали Украина ќе се приклучи на предложеното примирје. ссм/

фото: архива