Скопје, 28 април 2025 (МИА) - Самостојниот синдикат на новинари и медиумски работници на 30 април организира крводарителска акција со која ќе го одбележи 3 мај – Светскиот ден на слободата на медиумите. Акцијата во која голем број колеги ќе ја потврдат хуманоста ќе се одвива координирано на неколку локации во земјава.

-На 30 април 2025 во терминотод 08:00 до 14:00 часот драгоцената течност која спасува животи ќе може да се дарува во Скопје во просториите на Дневен центар за дарување крв на Црвен крст на град Скопје (ДХО „Даре Џамбаз“). Во исто време во просториите на службите за трансфузиона медицина во Клиничкиот центар Битола, во Општата болница во Струмица, ЈЗУ Општа болница Прилеп и во Клиничкиот центар во Штип крв ќе може да се дарува од 09:00 до 14:00 часот, информираат од ССНМ.

Крводарителската акција, која се организира трета година по ред, се одржува во соработка со Здружението на новинари на Македонија (ЗНМ) и со поддршка на Црвен крст на град Скопје. Со цел ефикасно организирање на оваа солидарна акција Ве молиме да се пријавите на електронската пошта на ССНМ – contact@ssnm.org.mk. дма/нд/

Фото: МИА архива