Скопје, 10 декември 2024 (МИА) - Во Социјалниот центар „Дуња“ во Скопје, овој петок, експериментално-музичкиот состав „Амплидајн ефект“ (Amplidyne Effect), заедно со Мартин Џорлев, ќе одржат концерт.

„Мартин Џорлев е широко признат за неговиот значаен придонес на локалната и регионалната сцена, особено преку успехот на независниот рок - постпанк бенд 'Луфтханза'. Неговата кариера почна како дел од различни музички ансамбли и проекти, како 'Зулу 3.4, Луфтханза, Стој, После!', коишто оставија белег на креативниот пејзаж на Македонија“, се вели во најавата.

Настапот е закажан за в петок, 13 декември, со почеток во 20:00 часот. си/са/

Фото: „Амплидајн ефект“