Лос Анџелес, 4 јули 2023 (МИА) - Кевин Костнер го намалил кредитниот лимит на неговата поранешна сопруга на 30.000 долари откако открил дека таа му потрошила 100.000 долари за правни и сметководствени услуги, според наводите во судските документи.

Костнер изјави дека бил принуден да ѝ го ограничи пристапот на Кристин Баумгартнер до неговите кредитни картички откако открил дека таа ги користела парите за да плати 45.000 долари за адвокат од Лос Анџелес, покрај 40.000 долари што ги потрошила за нејзиниот правен тим со седиште во Санта Барбара, како и други трошоци.

Баумгартнер поднесе барање за развод на 1 мај годинава.

- Кристин вели дека не сум го задржал статус-квото затоа што ѝ откажав една од кредитните картички и зашто поставив (голем) лимит на кредитната картичка што ја користи. Се согласив да го задржам статус-квото во однос на нашите деца. Јас го направив тоа. Продолжив да ги плаќам сите трошоци за децата откако Кристин поднесе барање за развод. Кристин не тврди дека трошоците на децата не се платени, вели Костнер во судската изјава од 30 јуни, пренесува „Инсајдер“.

Баумгартнер во судските документи изјави дека ќе се исели до крајот на август - но само ако холивудскиот глумец се согласи да ѝ плаќа 248.000 долари месечно за нивните деца. Костнер рече дека барањето на сопругата на Баумгартнер е апсурдно и ја обвини дека парите ги троши за својот изглед и за свој луксуз.  си/паг/

Фото: ЕПА