Тетово, 8 јули 2025 (МИА)-Секторот за внатрешни работи Тетово информира дека денеска полициски службеници од Отсекот за превенција во централното градско подрачје на Тетово, реализираа превентивна активност во рамки на кампањата „И јас и ти, сите сме пешаци“. Поделени се летоци со едукативна содржина изработени во соработка со Републички Совет за безбедност на сообраќајот на патиштата (РСБСП).

- Полициските службеници ги потсетуваа пешаците за нивните обврски при учество во сообраќајот, дека задолжително треба да ја поминуваат улицата на обележан пешачки премин, да не користат мобилен телефон и слушалки додека поминуваат пешачки премин, како и за други правила кои треба да ги почитуваат за нивно безбедно учество во сообраќајот како пешаци, информираат од СВР Тетово.

СВР Тетово информира дека воедно, на возачите им било укажано дека мора целосно да ги почитуваат правилата односно да им даваат предност на пешаците при преминување на сообраќајниците. ас/вг/

фото: СВР Тетово