Интензивно се спроведува санацијата на тоалети во „Битолски конгрес“ во кумановското село Лопате

Интензивно се спроведува реконструкцијата на санитарните јазли во основното училиште „Битолски конгрес“ во кумановското село Лопате, соопштија денеска надлежните од училиштето.

Од Александра Максимовска, Куманово

12:35, 2 март, 2022

Интензивно се спроведува санацијата на тоалети во „Битолски конгрес“ во кумановското село Лопате

Куманово, 2 март 2022 (МИА) - Интензивно се спроведува реконструкцијата на санитарните јазли во основното училиште „Битолски конгрес“ во кумановското село Лопате, соопштија денеска надлежните од училиштето.

Општина Куманово одвои 754.846 денари за санација на тоалетите, а на јавниот оглас избрана е компанијата „БФ-АДИС“ од село Отља, липковско. Надлежните од училиштето очекуваат санацијата да се спроведе согласно предвидениот рок.

-Очекуваме навремено се заврши работата, со што ќе се обезбедат подобри и похигиенски услови за нашите ученици. Последен пат тоалетите се санирани пред дваесетина години помеѓу 2001 и 2002 година, изјави директорот на училиштето, Шенд Мухтари. Во ова училиште во село Лопате, настава во две смени следат 228 ученици од прво до деветто одделение на македонски и албански наставен јазик. -Имаме и готов проект кој е во тендерска постапка за промена на покривот. Исто така подготвуваме проект за изградба или на спортско игралиште или на спортска сала и ќе побараме средства за реализација на овој важен дел од спортското образование на учениците, додаде директорот Мухтари. Зградата на „Битолски конгрес“ е изградена далечната 1965-та година.ам/бт/