Мадрид, 25 септември 2020 (МИА) – Тренерот на Реал Мадрид, Зинедин Зидан, сè уште се надева на аквизицијата на играчот за врска на Манчестер јунајтед, Пол Погба. Францускиот стручњак го гледа својот сонародник како клучен играч во центарот на полето на тимот, според „Марка“. Од друга страна, управата на „кралевите“ не гледа потреба да го купи 27-годишен играч за врска. Претседателот на клубот, Флорентино Перез, смета дека е можно да се најде поевтина опција за засилување на центарот на теренот во форма на Фабијан Руиз, па дури и целосно напуштање на нови трансфери, засновани на напредокот на 22-годишниот Федерико Валверде. зс/