Чикаго, 12 февруари 2023 (МИА) – Кошаркарот на Чикаго булс, Зак Лавин ги коментираше гласините за можна размена во друг тим.

- Потпишав нов договор да играм овде уште пет години. Не е мое да одлучувам дали ќе останам или не. Ова е прашање за менаџментот. Се додека го носам дресот на Булс, навивам за Чикаго. Отсекогаш го правев ова откако ме тргуваа овде. Оваа организација сакаше да соработува со мене и помогна во развојот на мојата кариера.

Ја разбирам ситуацијата во која се наоѓам. Во првата година од новиот договор, поради некоја причина, луѓето ми ставаа етикети. Не се сменив откако дојдов овде. Овој договор не влијаеше на мене на кој било начин, изјави Лавин.

Дваесет и седумгодишниот кошаркар ја игра првата сезона од новиот 5-годишен договор вреден 215,2 милиони долари.

Просекот на Лавин оваа сезона е 23,8 поени, 4,7 скока и 4 асистенции. зс/