Куманово, 22 ноември 2023 (МИА) - Екипа на кумановската противпожарна единица учествува во гасењето на пожарот во Tетовско, соопштија денеска од територијалната противпожарна единица.

- На барање на колегите на тетовската противпожарна единица и на Центарот за управување со кризи испративме екипа од кумановската противпожарна единица да помогне во гасењето на пожарот во фабрика, изјави командирот на ТППЕ Куманово, Дејан Илиевски.

На терен е едно противпожарно возило и петмина пожарникари.

Пожарот во фабриката за бои и лакови во тетовското Фалише избувнал утринава околу 10:30 часот. Покрај тетовските, во гаснењето на пожарот учествувале и пожарникари од Куманово, Скопје, Гостивар и Велес. ам/цр

Фото: МИА архива