Ријад, 4 јули 2024 (МИА) - Голманот на Манчестер сити, Едерсон е блиску до преселба во Ал-Наср од Саудиска Арабија, тврди новинарот Џанлуиџи Лонгари.

Според Лонгари, саудискиот клуб, за кој настапува напаѓачот Кристијано Роналдо, се договорил за идниот договор со 30-годишниот Бразилец. 

Се очекува Ал Наср наскоро да почне преговори со Манчестер сити за реализација на трансферот.

Претходно беше објавено дека Сити нема да го задржи Едерсон доколку тој сака да го напушти тимот во летниот преоден рок.

Едерсон брани за Манчестер сити од 2017 година. Оттогаш, тој одигра 332 натпревари за тимот, прими 257 гола и ја зачува мрежата чиста 155 пати. 

Договорот на голманот со клубот е до летото 2026 година. зс/

Фото: ЕПА