Дурaнт ќе стане акционер на ПСЖ
- Кошаркарот на Феникс санс и американскиот репрезентативец Кевин Дурант ќе стане малцински акционер на Пари Сен-Жермен.
![Дурaнт ќе стане акционер на ПСЖ](https://mia.mk/images/20240813075648_big_730x400_7.webp )
Париз, 13 август 2024 (МИА) – Кошаркарот на Феникс санс и американскиот репрезентативец Кевин Дурант ќе стане малцински акционер на Пари Сен-Жермен.
Како што објави „L'Equipe“, Дурант ќе купи удел во парискиот клуб за неколку милиони евра.
На 6 август тој го посети кампусот на ПСЖ. Кошаркарот е навивач на парижаните и добар пријател со неговиот сопственик Насер Ал-Келаифи.
На 11 август, Дурант стана првиот четирикратен олимписки шампион во тимски спортови.
На 10 август Американците ја победија Франција (98:87) во финалето на Олимпијадата 2024 година.
Дурант претходно го освои олимпиското злато со тимот на САД во 2012, 2016 и 2020 година. зс/
Фото: ЕПА