Лондон, 6 февруари 2025 (МИА) – Велика Британија ќе се спротивстави на сите напори за насилно преселување на Палестинците од Појасот Газа во соседните арапски земји, изјави британската државна министерка за развој, Анелиз Додс пред Парламентот.

- Не треба да има присилно раселување на Палестинците, ниту какво било намалување на територијата на Појасот Газа, истакна Додс.

Нејзината изјава уследи откако американскиот претседател Доналд Трамп предложи раселување на Палестинците и САД да ја преземат контролата врз Појасот Газа.

За израелскиот премиер Бенјамин Нетанјаху предлогот на Трамп „е извонреден“. ми/

фото: Википедија