Тирана, 25 септември 2025 (МИА) – Директорката на Албанската агенција за разузнавање (ШИШ) Влора Хисени, во Брисел оствари средба со генералниот секретар на НАТО, Марк Руте.

- На средбата стана збор за важноста од зголемување на меѓусебната размена и зајакнување на соработката меѓу агенциите на земјите-партнери, во рамките на колективната безбедност, во време кога Алијансата се соочува со бројни геополитички предизвици и закани од хибридна и тактичка природа, се наведува во соопштението на ШИШ.

Исто така се додава дека Руте ја пофалил конструктивната улога на Албанија во рамките на НАТО и придонесот на Државната разузнавачка служба во зајакнувањето на соработката во областа на разузнавањето и безбедноста.

Од своја страна, Хисени ја истакна посветеноста на институцијата со која раководи, за поддршката на мисијата на Алијансата, нагласувајќи ја важноста на размената на информации и координацијата меѓу партнерските агенции, како дел од одговорностите што Албанија ги презеде како земја-членка на НАТО од 2009 година.

Средбата се одржа во деликатен момент за евроатлантската безбедност, кога се очекува интензивирање на соработката меѓу НАТО и разузнавачките агенции на земјите-членки, со цел спречување и справување со заканите за регионалната и меѓународната стабилност, се посочува во соопштениете на ШИШ. вт/ми./

фото: ШИШ