• петок, 17 мај 2024

Димитриевски: Зелените од Европскиот фронт со скандирањето на УЧК во Скопје се прикажаа во вистинското светло

Димитриевски: Зелените од Европскиот фронт со скандирањето на УЧК во Скопје се прикажаа во вистинското светло

Радовиш, 22 април 2024 (МИА) - Оние кои на минатите избори се именуваа како зелени, а денеска себе си се нарекуваат како европски фронт да ги остават милитантните изјави и сето она што на последниот митинг го претставија во јавноста, по страна, бидејќи со таквите гестови излегуваат од јагнешките кожи и се претставуваат во вистинско светло, какви што се. Скандирањето на УЧК на плоштадот во Скопје дополнително создава негативни емоции кај граѓаните на Македонија и кај македонскиот народ. Од овде сакам да му порачам и на господинот Ахмети, но и на мојот противкандидат Османи, којшто под завеса на голем поборник за европски права, со ваквото делување дополително ја дели Македонија, изјави претседателскиот кандидат Максим Димитриевски денеска по посетата на Радовиш.

Додаде дека пред два дена потпишал Меморандум за соработка со бранителите во Битола, коишто учествувале во конфликтот од 2001 година.

-Господине Ахмети, додека бранителите коишто не бранеа во тие моменти, се денеска на дното во општеството, заборавени во целост, вашите припадници, на вашите милитантни структури, се наоѓаат во законодавната, извршната и за жал во независната судска власт. Дополнително по владини кабинети пеат песни и играат фудбал. Тоа што за вас е УЧК, не навлегувам во вашите лични чувства, за нас се нашите бранители. Да ја оставиме таа лоша историја од нашето заедничко живеење на страна и да продолжиме да градиме нови мостови на пријателства, бидејќи Македонија мора и еден ден ќе биде таму кадешто и е местото, каде ние од ЗНАМ суштински се залагаме, во Европа. Но, притоа лошите моменти ќе ги помниме и ќе учиме од нив. А ние од ЗНАМ и јас како иден претседател на Македонија ќе работам на комплетно национално единство на македонскиот народ и единство на сите граѓани на Македонија, со взаемно почитување и разбирање помеѓу себе, бидејќи оваа држава им припаѓа на сите, но првенствено на македонскиот народ и сите етнички заедници коишто живеат во неа, рече Димитриевски.

Претседателскиот кандидат Димитриевски денеска ќе ги посети и Василево, Босилово, Ново Село и Струмица каде вечер ќе има обраќање пред граѓаните.рт/са/

Фото: принт скрин ФБ Максим Димитриевски

Можно е и ова да ти се допаѓа

Остани поврзан