• вторник, 20 февруари 2024

Габриел не сакала да биде на иста маса со Лавров и затоа предвреме заминала од Скопје

Габриел не сакала да биде на иста маса со Лавров и затоа предвреме заминала од Скопје

Софија, 2 декември 2023 (МИА) - Не можам да бидам на иста маса со луѓе кои имаат антибугарски и антиевропски манифестации, изјави вицепремиерката и министерка за надворешни работи на Бугарија, Марија Габриел, коментирајќи го нејзиното заминување од Министерскиот совет ан ОБСЕ во Скопје пред пристигнувањето на шефот на руската дипломатија Сергеј Лавров.

- Бев во Скопје да изразам почит на претседавачот со ОБСЕ. Покрај тоа, имаше вечера на европските лидери на која секој од нас требаше да каже дека сме таму затоа што не сакаме да ја потпишеме смртта на ОБСЕ. По таа вечера, мислам дека моето присуство таму не требаше да биде физичко, па затоа заминав. Не сакам да присуствувам со претставници на земји кои нè прогласија за непријателски, рече Габриел.

Бугарија, иако претходно соопшти дека дава дозвола за прелет, сепак, не дозволи авионот на рускиот министер за надворешни работи Сергеј Лавров, на пат кон Скопје, да помине низ нејзиниот воздушен простор бидејќи во него се наоѓала и портпаролката на руското МНР, Марија Захарова.

Поради тоа, Лавров во Скопје пристина преку Турција и Грција, а летот траел пет часа.

Официјална Москва ја нарече бугарската забрана „опасна глупост на некој шегаџија во структурите на моќ во Бугарија“.са/

Фото: МИА архива

 

 

Остани поврзан