Штип, 16 октомври 2023 (МИА) - Во штипската населба „Балканска“ почнува санацијата на неколку улици, најави на денешната прес-конференција,градоначалникот на Општина Штип, Иван Јорданов.

Тој посочи дека станува збор за улици кои досега не биле рекоструирани и нов асфалт ќе добијат и влезовите во населбата, а сите активности ќе се изведуваат со средства обезбедени од Буџетот на Општина Штип.

-Започнуваме со активности во неколку населби за припрема за асфалтирање. Денеска се наоѓаме во населбата „Балканска“, каде се работи на неколку пристапни улици кои ќе бидат припремани, за во следните денови да се изврши асфалтирање. Влезовите на населбата „Балканска“ практично ќе бидат асфалтирани, а ние се наоѓаме на крак кој се користи повеќе во зимскиот период. Вкупната инвестиција е еден милион денари, вели Јорданов.

На прес-конференцијата тој  рече дека во моментов  градежни активности има во населбите Караорман и Железничка, а градежните активности на терен продолжуваат се додека дозволуваат временските услови. вдј/љм

Фото: МИА