Во Хрватска се превртел автобус со албански регистарски таблички, едно лице загина, неколкумина се повредени
Тирана, 26 февруари 2023 (МИА) - Едно лице го загубило животот, додека неколкумина се повредени откако автобус со албански регистарски таблички се превртел на автопат во Хрватска.
- Несреќата се случила на автопатот А-1, во правец на север, кај клучката Бриње, синоќа во 23 часот и 43 минути, кога автобусот со албански регистерски таблички удрил во ограда и се превртел на левата страна, јавија албанските медиуми повикувајќи се на хрватската полиција.
Во моментот на несреќата во автобусот имало девет патници и возачот. Автобусот го управувал 58-годишен албански државјанин.
На повредените им била пружена лекарска помош во болниците во Карловац и Огулин. вт/
