Во Турција уапсени 47 лица осомничени за членство во сепаратистички терористички организации
Истанбул, 7 март 2024 (МИА) - Вкупно 47 лица осомничени за членство во сепаратистички терористички организации се уапсени во 11 области на Турција.
„Осомничените се уапсени како резултат на заеднички операции извршени во областите Истанбул, Анкара, Анталија, Денизли, Газиантеп, Хатај, Измир, Мардин, Шалиурфа и Ван. Утврдено е дека осомничените дејствувале во рамките на сепаратистички терористички организации, биле особено активни меѓу младинските крила на групите, обезбедувале финансирање на членовите кои отслужуваат казни во затвори и вршеле пропаганда на социјалните мрежи“, изјави турскиот министер за внатрешни работи Али Јерликаја.
Операциите беа спроведени од офицери на Националната разузнавачка организација на Турција (МИТ) и на регионалните дирекции за борба против тероризмот на соодветните окрузи.
Властите конфискуваа десетици пиштоли без дозвола и голема количина дигитален материјал.
Осомничените се наоѓаат во Главната управа на полицијата во Истанбул и против нив е покрената судска постапка. рп/
Фото: МИА архива
