Тетово, 4 јуни 2025 (МИА) -  Kултурно уметничкото друштво „Иљо Антески-Смок“ од Тетово вечерва ја одржа осмата по ред манифестација „Денови на Иљо“, а за првпат на големата сцена на Центарот за култура настапи детското драмско студио со претстватаа „Двете мали самовили“ под менторство и режија на Ангелина Костовска. 

-Тоа беше претстава која со топлина ги однесе присутните во еден свет на фантазија, но и длабоки пораки. Нашето драмско студио, составено од деца и млади, кои не се само актери на сцена,  тие се гласот на генерациите кои доаѓаат, тие се пример дека културата има иднина, истака претседателот на КУД „Иљо Антески-Смок“, Милорад Ѓорѓевски.

Во фоајето на Центарот за култура се одржа првиот дел од манифестацијата. Присутните имаа прилика да видат ликовна изложба на 20 дела на тема „Мртва природа“ изработени на членовите на ликовна секција беше под менторство на Татјана Антевска Марковска.

Бидејќи во рамките на друштвото се негува и пишаниот збор, на манифестацијата се слушнаа песни и афоризми од страна соработниците, писателката за деца Викторија Македонска и Веле Коцески.

Настапија и играорците од КУД „Кисела Вода“, Скопје кои се претставија со сплет на игри. Музичка точка изведоа Давид Богојевски и Марко Ѓорѓиоски на кларинет и хармоника. ас/дма/

Фото: МИА