Мадрид, 26 март 2024 (МИА) - Сите играчи на Реал Мадрид позитивно го оценуваат потенцијалниот трансфер на напаѓачот на ПСЖ, Килијан Мбапе, објави„Relevo“.

Никој од играчите нема загриженост дека Французинот може да ја расипе атмосферата во соблекувалната. Вработените во Реал Мадрид исто така забележуваат дека под водство на Карло Анчелоти, расположението во тимот е „едно од најпозитивните во историјата“.

Претходно беше објавено дека 25-годишниот напаѓач во ПСЖ одбил бонус за лојалност од 80 милиони евра. Тој рече и дека својата иднина ќе ја соопшти пред почетокот на Европското првенство кое ќе се одржи во Германија од 14 јуни до 14 јули.

Медиумите веќе објавија дека фудбалерот на лето ќе стане играч на Реал Мадрид.

Оваа сезона Мбапе одигра 37 натпревари за ПСЖ, постигнувајќи 38 гола и осум асистенции. Неговиот договор со клубот завршува летото 2024 година. зс/

Фото: ЕПА