Радовиш, 30 октомври 2025 (МИА) - Во просториите на Општина Радовиш денеска се изврши официјалното примопредавање на функцијата градоначалник меѓу досегашниот Ацо Ристов и новоизбраниот Љупче Почивалец, соопштија од Општината.

Во соопштението се наведува дека во пријатна и достоинствена атмосфера било извршено предавањето на документацијата и обврските, а Ристов му посакал успешна работа на новиот градоначалник, со надеж дека Општина Радовиш ќе продолжи да се развива во интерес на сите граѓани.

Новиот градоначалник Љупче Почивалец, кој доаѓа од редовите на ВМРО-ДПМНЕ и коалицијата, како и досегашниот, се заблагодарил за досегашната работа и истакнал дека ќе ја води општината со посветеност, транспарентност и одговорност со цел за подобар и поквалитетен живот за сите радовишани. рт/мд/

Фото: Општина Радовиш