Кавадарци, 6 април 2024 (МИА) - „Големото будење", е насловена изложбата на дела од ликовниот уметник Новица Трајковски, што синоќа беше отворена во Музеј галеријата во Кавадарци.  

За овој циклус од творештвото на Трајковски, говореше Елизабета Ристова, кустос во музејот. Таа нагласи дека станува збор за брилијантен уметник.

„Големото будење",  рече, не е само колекција на слики, тоа е симфонија на емоции, одраз на човечкото искуство во сите свои сурови убавини и искуства. 

- Во присуство на делата на Новица Трајковски, ние не сме само гледачи, ние сме учесници во танцот на светлина и сенка, на страст и очај, подвлече Ристова. 

Ликовниот уметник, Владимир Темков рече дека Кавадарци како расадник на таленти и со изложби и негување на уметноста на големите уметници, ја има водечката улога во развојот на македонската ликовна уметност. 

Трајковски појасни дека станува збор за дела работени оваа година.  - Секоја слика си има своја порака, своја приказна, свое значење, рече авторот. 

Пред присутните се обрати и директорот на Музејот, Јаким Зимоски. свд/лв/

Фото: МИА