Во Делчево почна обуката за дијагностика и поправка на електронски уреди за млади лица
- Почна обуката за дијагностика и поправка на електронски уреди за млади лица од Делчево, Пехчево и Македонска Каменица. Обуките, како што информираа организаторите, се дел од проектот „Одржлив
![Во Делчево почна обуката за дијагностика и поправка на електронски уреди за млади лица](https://mia.mk/images/20221113213907_big_730x400_17.webp )
Делчево, 6 септември 2022 (МИА) - Почна обуката за дијагностика и поправка на електронски уреди за млади лица од Делчево, Пехчево и Македонска Каменица. Обуките, како што информираа организаторите, се дел од проектот „Одржливо управување со електронски отпад - сервис за поправка и правилно одлагање на ОЕЕО во микро регионот Пијанец-Малеш" .
-Со обуката се опфатени шест млади лица од споменатите општини. Истите се одржуваат во посебни простори со набавена комплетно нова опрема за дијагностика и сервис на најразлични електронски уреди, истакнаа од Регионалниот центар за застапување Делчево.
![делчево обука за млади лица.jpg1](/articles/images/%d0%b2%d0%be-%d0%b4%d0%b5%d0%bb%d1%87%d0%b5%d0%b2%d0%be-%d0%bf%d0%be%d/cqQx46TYw/placeholder.webp?use_watermark=0)
Целта, како што додадоа, е да се влијае кон намалување на електронскиот отпад преку продолжување на векот на траење на ел. уреди и правилно управување со оние кои треба да се исфрлат од употреба.
-Местото на електронскиот отпад не е во депониите и кантите за отпадоци и затоа меѓу другото целта е и да ја зачуваме животната средина и нашето здравје, додадоа од РЦЗ.
„Одржливо управување со електронски отпад - сервис за поправка и правилно одлагање на ОЕЕО во микро регионот Пијанец-Малеш" е финансиран од Глобалниот еколошки фонд (ГЕФ) преку Програмата за мали грантови. вс/бт/