Скопје, 10 октомври 2025

Ја поддржуваме одлуката директорот на Клиниката за неврологија да биде разрешен, институциите треба да постапат во согласност со законот и утврдените процедури, се вели во соопштението од ВМРО-ДПМНЕ, кое МИА го пренесува интегрално. 

Во врска со објавите на социјалните мрежи, за директорот на Клиниката за неврологија, д-р Игор Кузмановски, ВМРО-ДПМНЕ ја поддржува одлуката да биде разрешен од функцијата. Немаме сомневање дека јасно и недвосмислено институциите треба да постапат во согласност со законот и утврдените процедури.

Извршувањето на јавна функција носи конкретни обврски и одговорности.

Нашата заложба е правилата и законите да важат за сите подеднакво и управувањето на институциите мора да биде во согласност со вредносниот систем на одговорност за кој се залагаме и ќе продолжиме да се бориме.

Центар за комуникации на ВМРО-ДПМНЕ

Фото: МИА архива