Битола, 23 март 2025 (МИА) - Јавното комунално претпријатие „Водовод“-Битола, попладнево успешно заврши промена на крилест затворач Ф/500 милиметри со вклучена монтажа и демонтажа.

Интервенцијата ја извршија екипи на ЈКП Водовод кои во текот на денот работеа на објектот „Пумпна станица Довлеџик", информираа од  претпријатието.

Посочуваат дека функционалноста на овој „Потисен цевковод"  е премногу важна за редовно водоснабдување на корисниците.

- Монтирањето се изврши на почетокот од потисниот цевковод преку кој во летните месеци до „Филтер станица Дихово" се пумпа сирова вода од пумпна станица Довлеџик во должина од скоро 2 километри и со висинска разлика од 120 метри. Со оваа интервенција ЈКП „Водовод“ преку водоводниот систем ќе продолжи да овозможува користење на питка вода во сите домови, посочија од претпријатието. мт/лв/

Фото: ЈКП Водовод Битола