Вашингтон, 25 јануари 2025 (МИА) – Белата куќа синоќа соопшти дека итно е потребно продолжување на примирјето во Либан, изразувајќи задоволство поради што израелската армија почна да се повлекува од централните либански региони.

- Целта е да се осигури дека Хезболах нема да му се заканува на либанскиот народ или соседните земји и дека тоа бара итно продолжување на прекинот на огнот, изјави портпаролот на советникот за национална безбедност на Белата куќа, Брајан Хјуз.

Тој нагласи дека САД тесно соработуваат со регионалните партнери за да се постигне договор за продолжување на прекинот на огнот.

- Израелските сили ќе останат во јужен Либан и по истекот на рокот од 60 дена, пропишан во договорот за прекин на огнот со либанската милитантна група Хезболах, бидејќи израелските услови не се целосно спроведени, соопшти кабинетот на израелскиот премиер Бенјамин Нетанјаху.

Договорот за прекин на огнот меѓу Израел и Хезболах стапи во сила на 27 ноември, а израелските сили треба да се повлечат до 27 јануари. ми/

фото: МИА архива