Бајден со честитка по повод 8 Септември: САД остануваат непоколебливи поддржувачи на Северна Македонија
- Со гордост ве поздравивме како 30-ти сојузник на НАТО, и со нетрпение очекуваме да ве видиме и во ЕУ. САД остануваат непоколебливи поддржувачи на Северна Македонија, порачува меѓу другото аме
![Бајден со честитка по повод 8 Септември: САД остануваат непоколебливи поддржувачи на Северна Македонија](https://mia.mk/images/20221108155807_big_730x400_8.webp )
Со гордост ја поздравивме Северна Македонија како 30-ти сојузник на НАТО минатата година, признавајќи дека Вашата земја даде витален придонес за безбедноста и стабилноста на регионот долго пред таа да се приклучи на Алијансата. Ви благодариме што оваа година бевте домаќин на мултинационалната вежба „Решителен удар 21“ во Центарот за воена обука „Криволак“ и што повторно ги покажавте водечките капацитети и подготвеноста на Северна Македонија.
Како што Вашата земја продолжува да напредува - зголемување на просперитетот за сите Ваши граѓани, подобрување на владеењето на правото, зајакнување на Вашите демократски институции - САД остануваат Ваши силни и непоколебливи поддржувачи.
Со нетрпение очекуваме да соработуваме со Северна Македонија на патот на спроведувањето на реформите што ќе ја обезбедат европската иднина на Вашата земја, вклучително и пристапувањето во Европската Унија.
Ви посакувам безбеден и среќен Ден на независноста и Ви благодарам за Вашето долгогодишно пријателство, пишува во честитката претседателот на Соединетите Американски Држави Џо Бајден до претседателот на Република Северна Македонија Стевопендаровски, по повод Денот на независноста - 8 Септември.бт/са/