Мадрид, 20 декември 2023 (МИА) - Тренерот на Реал Мадрид, Карло Анчелоти се надева дека ќе го убеди играчот од средниот ред на Мадрид, Тони Крос да го одложи своето пензионирање, пренесува „AS“.

Договорот на 33-годишниот Германец со Реал Мадрид истекува во летото 2024 година.

Според изворот, Анчелоти неколку пати разговарал со Крос за неговото можно повлекување од фудбалот. Италијанскиот стручњак побара од играчот од средниот ред да го одложи пензионирањето за најмалку една година.

Оваа сезона Германецот одигра 22 натпревари за Реал Мадрид во сите натпреварувања, постигнувајќи еден гол и пет асистенции.

Вчера беше објавено дека Крос размислува да се врати во германската репрезентација за домашното Евро 2024 година. Од репрезентацијата се повлече во 2021 година. зс/

Фото: ЕПА