Мадрид, 9 ноември 2024 (МИА) – Тренерот на Реал Мадрид, Карло Анчелоти ги оцени настапите на Килијан Мбапе и на Винисиус Жуниор на натпреварот против Осасуна.

Реал попладнево победи со 4:0 во натпреварот од 13. коло на Ла Лига. Винисиус постигна хет-трик на овој натпревар.

- Винисиус е играч кој прави разлика и ситуацијата со Златната топка не влијаеше на него, како што можеме да видиме. Мбапе се обидува. Имаше многу добри акции. Тој не постигна гол, но беше корисен во играта, што е најважно, изјави Анчелоти.

Со 27 освоени бодови по 12 одиграни натпревари Реал Мадрид е на 2. место во Шпанското фудбалско првенство. зс/

Фото: ЕПА