Ријад, 23 мај 2025 (МИА) - Ал-Хилал сака да го донесе во своите редови фудбалерот од средниот ред и капитен на Манчестер јунајтед, Бруно Фернандеш, пред Светското клупско првенство, кое започнува на 15 јуни. 

На фудбалерот му се дадени 72 часа да донесе одлука, објави „Give me Sport“.

Ал-Хилал е подготвен да му понуди на 30-годишниот играч плата од 700 илјади фунти неделно и дополнителни бонуси. 

Доколку Фернандеш се согласи, Ал-Хилал ќе се обрати до Манчестер јунајтед во врска со трансферот.

Фернандеш одигра 56 натпревари во сите натпреварувања оваа сезона, постигнувајќи 19 гола и исто толку асистенции. Неговиот договор со клубот е со важност до летото 2027 година. 

Пазарната вредност на фудбалерот, според „Трансфермаркт“, е 55 милиони евра. зс/

Фото: ЕПА