Леверкузен, 2 октомври 2024 (МИА) - Тренерот на Баер, Чаби Алонсо изрази задоволство од играта на неговиот тим кој синоќа го совлада Милан (1:0) во натпреварот од 2. коло на Лигата на шампионите.

- Милан добро не тестираше. Првите 60 минути од натпреварот ги одигравме одлично. На крајот, заморот си го направи своето по натпреварот од Бундеслигата што го одигравме во саботата, но тимот покажа карактер и успеа да победи. Во Лигата на шампионите треба да бидете способни да се борите и да покажете тимски дух. Оваа победа е важен чекор за нас. Да, малку потфрливме на физички план, но јас сум среќен со резултатот, изјави Алонсо за веб-страница на УЕФА.

Баер е трет на табелата во Лигата на шампионите со 6 бода од 2 натпревари. Во следното коло екипата на Леверкузен гостува кај Брест. зс/

Фото. ЕПА