Алжир, 18 септември 2024 (МИА) - Алжирскиот претседател, Абделмаџид Тебун вчера положи заклетва за втор мандат, откако беше избран во вториот круг нарушен со апатија и сомнеж во пребројувањето на гласовите.

Церемонијата на инаугурација за вториот петгодишен мандат на Тебун се одржа во Народната палата во Клуб де Пен, приморско одморалиште на западниот брег на главниот град Алжир. Двајцата ривали на претседателот, исламистот Абделали Хасан Шериф и социјалистот Јусеф Аучиш, присуствуваа на церемонијата, која се одржа три дена откако Уставниот суд на Алжир ја потврди убедливата победа на Тебун на изборите на 7 септември.

Судот ја објави својата одлука во саботата по пребројувањето на гласовите. Податоците од бараното пребројување покажаа дека Тебун води со околу 75 процентни поени пред Шериф, кој доби речиси 950.000 гласови, или околу 9,6 отсто. Фронтот на социјалистичките сили на Аушиш освои повеќе од 580.000 гласови, што претставува околу 6,1 посто. Со 7,7 милиони гласови, актуелниот претседател освои 84,3 отсто од гласовите, надминувајќи го неговото достигнување во 2019 година за милион гласови и двоцифрена разлика.

Според судските податоци, одѕивот на гласачите ширум земјата бил 46,1 отсто, надминувајќи ги претседателските избори во 2019 година, кога гласале 39,9 отсто од гласачите. мс/

фото: МИА архива