Битола, 12 јуни 2025 (МИА) - Јавното претпријатие „Стрежево“ почна акција за бесплатно вклучување во мрежата за наводнување од системот на претпријатието.

Со акцијата, која ќе се одвива до 7 јули, на идните водокорисници им е овозможена заштеда од 2.977 денари која претпријатието нема да ја наплаќа за приклучок.

Од ЈП „Стрежево“ информираат дека истоимената акумулација е подготвена за претстојната летна сезона и заклучно со 31 мај, за земјоделците, но и компаниите што користат вода од претпријатието, обезбедени се над 70 милиони кубни метри вода. За ефикасно водоснабдување се очекува и на традиционалната соработка со земјоделците, за што од претпријатието потсетуваат за рационално и планско користење на водата за наводнување во претстојниот период. мт/вг/

Фото: ЈП „Стрежево“