„Силверстоун“ може да организира две трки без публика
- Сезоната сè уште не започна, но менаџментот од „Либерти Медиа Груп“ се надева дека ќе започне во текот на летото со нов и ревидиран календар, кој може да заврши на почетокот на 2021 година. П
![„Силверстоун“ може да организира две трки без публика](https://mia.mk/index.php/images/20221103024714_big_730x400_3.webp )
Силверстоун, 20 април 2020 (МИА) - „Силверстоун“ е отворен за прифаќање на досега невидени два последователни натпревари со затворени врати за да и помогне на Формула 1 во борбата против закрепнувањето од влијанието од коронавирусот, откри директорот на Гран-при на Велика Британија, Стјуарт Прингл.
Сезоната сè уште не започна, но менаџментот од „Либерти Медиа Груп“ се надева дека ќе започне во текот на летото со нов и ревидиран календар, кој може да заврши на почетокот на 2021 година. Прингл изјави за „Гардијан“ дека разговарал за „сите опции“ со Ф1, вклучително и две трки во истиот викенд или последователни викенди на британската патека. Ниту една патека во историјата на најпрестижната автомобилска трка досега не организирала две последователни трки во една сезона.
„Убеден сум во нашата способност да ги спроведеме овие натпревари. Имаме многу искуство и знаење, тоа е секако остварливо, рече тој.
Додека некои земји почнуваат да ги олеснуваат мерките за ограничување во борбата против пандемијата, настаните во кои се вклучени голем број луѓе на едно место веројатно ќе останат забранети некое време. Според официјалните препораки во Велика Британија, луѓето треба да останат во своите домови и да одржуваат социјална дистанца кога се надвор. Секое Гран-при од оригиналниот календар на Формула 1 е одложено или откажано до тоа во Франција на 28 јуни, што исто така, најверојатно, ќе биде одложено.
Тоа ќе го остави натпреварувањето во Австрија на 5 јули - патеката во сопственост на енергетскиот пијалок Ред Бул, кој има два тима во Ф1, две седмици пред британското ГП на Велика Британија.
- Мислам дека Ф1 ќе донесе одлука за календарска промена на почетокот на мај. Не може да се донесе одлука се додека не биде јасно дека може да има последователни трки. Оваа временска рамка ќе ни помогне, доколку не треба да вложиме никаков напор во инфраструктурата за сместување на персоналот, рече Прингл, чија патека привлече најголем број гледачи минатата година и е близу до канцелариите на седум од десетте екипи.