Џорџи ја совлада Плишкова и го освои финалето во Монтреал
- Камила Џорџи го освои годинешното финале на Канадскиот мастерс во Монтреал совладувајќи ја Каролина Плишкова.
![Џорџи ја совлада Плишкова и го освои финалето во Монтреал](https://mia.mk/index.php/images/20221108012532_big_730x400_31.webp )
Монтреал, 16 август 2021 (МИА) – Камила Џорџи го освои годинашното финале на Канадскиот мастерс во Монтреал совладувајќи ја Каролина Плишкова.
Победувајќи ја светската број 6, Каролина Плишкова, со 6-3, 7-5, Џорџи ја обезбеди најголемата победа во кариерата.
На почетокот од турнирот во Монтреал, Џорџи беше рангирана на 71 место во светот, а по освојувањето на вчерашното финале се проби помеѓу првите 35.
Ова беше деветто соочување помеѓу Џорџи и Плишкова која го промени резултатот од претходните средби во 4-5. Џорџи, исто така, победи и на скорешната средба во рамките на Олимписките игри во Токио. ар/