Џина Карано отпуштена од „The Mandalorian“ поради несоодветни објави на социјалните медиуми
- Имено, љубопитните истражувачи забележале дека глумицата објавувала свои погледи околу холокаустот, полупропагандни пораки за неносење маски, како и лажни вести за изборите во САД.
![Џина Карано отпуштена од „The Mandalorian“ поради несоодветни објави на социјалните медиуми](https://mia.mk/index.php/images/20221105202142_big_730x400_69.webp )
Лос Анџелес, 11 февруари 2021 (МИА) - Глумицата Џина Карано е отпуштена од ТВ-проектот „The Mandalorian“ (Мандалорец), поради грозни објави на социјалните медиуми, како што соопшти продукциската куќа „Лукасфилм“.
- Џина Карано во овој миг не е вработена во „Лукасфилм“ и немаме планови со неа во иднина. Како и да е, нејзините објави на социјалните мрежи кои ги оцрнуваат луѓето врз основа на нивниот културен и религиозен идентитет се грозни и неприфатливи, изјави гласноговорникот на продукциската компанија за сисанието „Рап“.
Имено, љубопитните истражувачи забележале дека глумицата објавувала свои погледи околу холокаустот, полупропагандни пораки за неносење маски, како и лажни вести за изборите во САД.
Карано лани глумеше во седум епизоди од серијата „The Mandalorian“. си/ми/