Џафери на средба со државните ревизори на Северна Македонија и Хрватска
- Претседателот на Собранието Талат Џафери денеска оствари средба со главните државни ревизори на Северна Македонија и на Хрватска, Максим Ацевски и Иван Клешиќ.
![Џафери на средба со државните ревизори на Северна Македонија и Хрватска](https://mia.mk/index.php/images/20221113161217_big_730x400_21.webp )
Скопје, 17 јуни 2022 (МИА) - Претседателот на Собранието Талат Џафери денеска оствари средба со главните државни ревизори на Северна Македонија и на Хрватска, Максим Ацевски и Иван Клешиќ.
Како што соопшти Кабинетот на Џафери, средбата била одлична можност за разменување предлози и идеи за подобрување на соработката помеѓу врховните ревизорски институции на Република Северна Македонија и Република Хрватска, со следење на позитивните практики на земјите членки на Европската Унија.
Претседателот на законодавниот дом истакнал дека во наредниот период се очекува и потпишување меморандум за соработка помеѓу Собранието и Државниот завод за ревизија на Република Северна Македонија.
Од прес-службата на Џафери додаваат дека високите претставници на двете ревизорски институции срдечно се заблагодариле на можноста за средба и на искрената поддршка од Џафери и Собранието. ки/хс/
![Џафери на средба со државните ревизори на Северна Македонија и Хрватска](/articles/images/%d1%9f%d0%b0%d1%84%d0%b5%d1%80%d0%b8-%d0%bd%d0%b0-%d1%81%d1%80%d0%b5%d/RK5Wk2shq/placeholder.webp?use_watermark=0)