Јаревски: Набавени машини за бележење патишта и до 100 пати поскапо од реалното, очекуваме брза реакција на ЈО
- Почитувани, 24 часа откако објавивме дека ЈП за одржување на магистрални и регионални патишта, Струмица и Центар набавиле машини за бележење на патишта и до 100 пати поскапо од тоа што СДС тврди дека може да се набават молк од ЈО.
![Јаревски: Набавени машини за бележење патишта и до 100 пати поскапо од реалното, очекуваме брза реакција на ЈО](https://mia.mk/index.php/images/20240117123446_big_730x400_5.webp )
17 јануари 2024
Почитувани,
24 часа откако објавивме дека ЈП за одржување на магистрални и регионални патишта, Струмица и Центар набавиле машини за бележење на патишта и до 100 пати поскапо од тоа што СДС тврди дека може да се набават молк од ЈО.
Молчи и СДС и нема коментар како нивни функционери набавувале машини и за 250 илјади евра, за кои самите велат дека може да се купат за 2 до 3 илјади евра.
Функционерите на власта, во конкретниов случај директорот на ЈП за одржување на магистрални и регионални патишта и градоначалниците на Струмица и Центар ги оштетиле граѓаните за суми од стотина и десетици илјади евра.
Доколку тврдењето на СДС дека истите машини се купуваат за 2 до 3 илјади евра е точно, тогаш нивните функционери направиле огромна злоупотреба.
Недозволиво е институциите да молчат кога и самата СДС тврди дека машини за бележење на пат какви што купиле нивните функционери за 250 илјади евра, за 16 или 20 илјади евра, чинат само 2 до 3 илјади.
Очекуваме брза реакција на ЈО, но и одговор од директорот на ЈП за одржување на магистрални и регионални патишта, како и градоначалниците на Струмица и Центар, каде завршила разликата од реалната набавна цена од 2 до 3 илјади евра и таа што тие ја платиле?
Додека народот едвај врзува крај со крај, функционерите на СДС купуваат машини за бележење патишта и до 100 пати поскапо од реалното. Никогаш не било полошо. Важно е да ги поразиме.
Прес-конференција на Тони Јаревски, пратеник од ВМРО-ДПМНЕ
Центар за комуникации на ВМРО-ДПМНЕ
__________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
Фото: ВМРО-ДПМНЕ