Јапонскиот премиер Кишида пристигна во ненадејна посета на Киев
- Јапонскиот премиер Фумио Кишида пристигна во ненадејна посета на Киев, јавија јапонските медиуми.
![Јапонскиот премиер Кишида пристигна во ненадејна посета на Киев](https://mia.mk/index.php/images/20230321071729_big_730x400_43.webp )
Токио, 21 март 2023 (МИА) - Јапонскиот премиер Фумио Кишида пристигна во ненадејна посета на Киев, јавија јапонските медиуми.
Кишида е единствениот лидер на Г7 кој се уште не ја посетил Украина од почетокот на руската офанзива кон крајот на февруари минатата година.
Се очекува тој да се сретне со украинскиот претседател Володимир Зеленски, а двајцата ќе разговараат за јапонската поддршка за обновата на Украина.
Во мај Кишида ќе претседава со тридневниот самит на Г7 во јапонскиот град Хирошима. паг/
Фото: ЕПА