Јапонската министерка за надворешни работи во посета на Полска за зајакнување на врските со НАТО
- Јапонската министерка за надворешни работи Јоко Камикава денеска во Варшава имаше средба со највисоките државни службеници со цел да ги зајакне односите со членките на НАТО.
![Јапонската министерка за надворешни работи во посета на Полска за зајакнување на врските со НАТО](https://mia.mk/index.php/images/20240108192155_big_730x400_70.webp )
Варшава, 8 јануари 2023 (МИА) - Јапонската министерка за надворешни работи Јоко Камикава денеска во Варшава имаше средба со највисоките државни службеници со цел да ги зајакне односите со членките на НАТО.
Камикава за првпат се сретна со нејзиниот полски колега Радек Сикорски и положи венец на гробот на непознатиот херој.
Двајцата на денешната прес-конференција изјавија дека Јапонија и Полска се блиски стратешки партнери кои имаат намера дополнително да ја продлабочат соработката.
За подоцна е планирана средба меѓу неа и претседателот на Полска, Анджеј Дуда.
Таа ја започна својата посета на Полска во вторникот, за да ја скрати со ненајавена посета на соседна Украина, каде што им вети на тамошните власти продолжување на јапонската помош додека земјата се бори против руската инвазија.
Во Варшава, Камикава им рече на новинарите дека отишла во Украина за да ја покаже „трајната солидарност на Јапонија со Украина“ и ја пофали Полска за нејзината улога во помагањето на украинските бегалци.
Камикава рече дека двете земји ги обединуваат вредностите и принципите и истакна дека за време на разговорите станало збор и за ситуацијата во Источна Азија. паг/
Фото: МИА архива