Јанчев: Интензивно се гради затворениот базен во Кавадарци
- Продолжува интензивната изградба на затворениот базен во Кавадарци, што е на локација на поранешната дискотека ЛаЛуна, во градскиот парк, информираше денеска градоначалникот Митко Јанчев, на неговата фејсбук страница.
![Јанчев: Интензивно се гради затворениот базен во Кавадарци](https://mia.mk/index.php/images/20240716113007_big_730x400_30.webp )
Кавадарци, 16 јули 2024 (МИА) - Продолжува интензивната изградба на затворениот базен во Кавадарци, што е на локација на поранешната дискотека ЛаЛуна, во градскиот парк, информираше денеска градоначалникот Митко Јанчев, на неговата фејсбук страница.
- Базенот ќе биде со димензии од 25/9 и длабочина од 1.20 метри и истиот првенствено ќе се користи за децата од основните и средните општински училишта, но и рекреативно ќе можат да го користат и сите останати граѓани, напиша Јанчев.
Како што веќе информираше МИА, станува збор за капитален проект, инвестиција во висина од педесетина милиони денари.
- Проектот е финансиран од Агенцијата за млади и спорт, откако претходно Општината донесе детален урбанистички план за предметната локација и ги обезбеди сите услови за непречена изведба на лице место, појаснија тогаш од Локална самоуправа Кавадарци. свд/цр
Фото : МИА