Берлин, 7 јуни 2024 (МИА) - На Германија ќе и требаат најмалку 75.000 дополнителни војници за да ги исполни своите обврски во НАТО, додека Алијансата го прилагодува одбранбеното планирање за да се соочи со Русија, објави денеска Шпигел.

На самитот во Вилнус минатата година, лидерите на НАТО ги потпишаа првите големи одбранбени планови од крајот на Студената војна, со детали за тоа како Алијансата ќе одговори на евентуален руски напад, наведува медиумот, додавајќи дека НАТО не видел потреба да направи таков плановите со децении, бидејќи постсоветската Русија повеќе не се сметаше за закана за западните земји.

НАТО и националните воени планери идентификуваа недостиг кога станува збор за работна сила и оружје потребни за одбрана од потенцијален руски напад, што, според германското воено раководство, би можело да се случи веќе во 2029 година.

-Новите барања на НАТО значат дека на вооружените сили на Германија ќе им бидат потребни дополнителни 75.000 војници за да ги пополнат дополнителните сојузнички корпус, дивизии и бригади потребни за спроведување на одбранбените планови, пишува Шпигел, повикувајќи се на доверливи документи.

Германското Министерство за одбрана не беше веднаш достапно за коментар. Во моментов, Бундесверот има околу 180.000 војници, помалку од целта од околу 200.000 војници и 80.000 цивилни вработени. мс/

фото: МИА архива