Шолц: Нападите со дронови знак на очај на Москва
- Според него, украинската посветеност на ЕУ е една од најзначајните геополитички одлуки на оваа ера
![Шолц: Нападите со дронови знак на очај на Москва](https://mia.mk/index.php/images/20221114012734_big_730x400_48.webp )
Берлин, 25 октомври 2022 (МИА) - Постојаните руски напади со дронови во Украина претставуваат знак на очај на Москва, смета германскиот канцелар Олаф Шолц, истакнувајќи колку е важно планирањето за обнова на земјата.
Во обраќањето на конференцијата во Берлин за обнова на Украина, Шолц посочи дека историјата на Германија покажува оти можно е да се обнови земја и после разорна војна.
Поради тоа, како што додаде тој, важно е да се планира иднината на Украина како просперитетна и демократска членка на Европската Унија и извозник на зелена енергија и високотехнолошки добра.
- Оваа конференција зборува за создавање на Маршаловиот план за 21 век, подвлече германскиот канцелар.
Според него, украинската посветеност на ЕУ е една од најзначајните геополитички одлуки на оваа ера. бд/ссм/