Ченинг Тејтум во „Магичниот Мајк 3“ напролет
- Покрај Ченинг Тејтум, глуми и Сeлма Хајек Пино, како позната богаташка со неодолива понуда и по некоја задна намера...
![Ченинг Тејтум во „Магичниот Мајк 3“ напролет](https://mia.mk/index.php/images/20221128063132_big_730x400_79.webp )
Лос Анџелес, 17 ноември 2022 (МИА) - Наредниот Ден на вљубените, во киносалите пристигнува третиот дел од „Магичниот Мајк“ - познатата мјузикл-комедија, сега со поднаслов „Последниот танц“ (Magic Mike's The Last Dance).
Ченинг Тејтум се враќа како стриптизерот Мајк Лејн, а Стивен Содерберг го режира филмот според сценариото на Рид Каролин, кој ги напиша и првите два филма. Покрај Тејтум, глуми и Сeлма Хајек Пино, како позната богаташка со неодолива понуда и по некоја задна намера... Продуценти на филмот се Ник Векслер, Грегори Џејкобс, Тејтум, Каролин и Питер Кирнан. Џули М. Андерсон е извршен продуцент. Во филмот глумат и Ајуб Кан Дин, „новајлијката“ Џемелија Џорџ, Џулиет Мотамед, Вики Пепердин и други. Филмот ќе се прикажува во кино од февруари 2023 година. си/паг/ https://www.youtube.com/watch?v=pBIGdw-BRxw