Целосно реконструирани вело патеки и формиран нов зелен појас на булеварите „Видое Смилевски Бато“ и „Србија“
- Екипи на ЈП „Паркови и зеленило“, по налог на Град Скопје, изминатиот период интензивно работеа и хортикултурно го уредија зелениот коридор на потегот на аголот помеѓу улицата „Февруарски по
![Целосно реконструирани вело патеки и формиран нов зелен појас на булеварите „Видое Смилевски Бато“ и „Србија“](https://mia.mk/index.php/images/20221113164313_big_730x400_10.webp )
Скопје, 25 јуни 2022 (МИА) - Екипи на ЈП „Паркови и зеленило“, по налог на Град Скопје, изминатиот период интензивно работеа и хортикултурно го уредија зелениот коридор на потегот на аголот помеѓу улицата „Февруарски поход“ со булевар „Видое Смилевски Бато“ до булевар „Србија“.
- Површината од 3.635 квадратни метри претставува нов зелен коридор помеѓу коловозната лента и вело патеката, а 12.517 квадратни метри припаѓаат на широкиот појас до патеките што целосно се реконструирани и асфалтирани. Реализацијата на овој потег опфати неколку последователни етапи со што се добива зелена реконструирана и хортикултурно уредена површина од над 16.000 квадратни метри, информираат од Град Скопје.
На целата површина поставен е и нов систем за наводнување, засадена вегетација и формирани се нови тревници.
- Новото зеленило го сочинуваат листопадни и зимзелени садници. Изборот на видовите е направен за да се добие естетски и функционално уредена површина, која ќе ги задоволи потребите на пешаците, велосипедистите и на учесниците во сообраќајот на овие фреквентни булевари, се додава во соопштението. сп/
![Булевар Србија](/articles/images/%d1%86%d0%b5%d0%bb%d0%be%d1%81%d0%bd%d0%be-%d1%80%d0%b5%d0%ba%d0%be%d0/pWW0LBDoC/placeholder.webp?use_watermark=0)