„Цветинова награда за мир“ за 77. роденден на „Нова Македонија“
- Македонскиот сликар и хуманист Живко Поповски - Цветин денеска ќе врачи „Цветинова награда за мир“ за 77-от роденден на првиот македонски дневен весник „Нова Македонија“.
![„Цветинова награда за мир“ за 77. роденден на „Нова Македонија“](https://mia.mk/index.php/images/20221108212135_big_730x400_81.webp )
Скопје, 29 октомври 2021 (МИА) - Македонскиот сликар и хуманист Живко Поповски - Цветин денеска ќе врачи „Цветинова награда за мир“ за 77-от роденден на првиот македонски дневен весник „Нова Македонија“.
Поповски - Цветин вели дека весникот ја промовира и поддржува мироносната мисија со „Цвеќето на мирот“.
Цветин досега подарил над 60.000 свои слики и организирал над 300 изложби во земјава и во Шведска, Полска, Германија, Италија, Канада, САД и во земјите од поранешна Југославија.
Во 2009 година Поповски - Цветин беше номниниран за Нобелова награда за мир и беше меѓу петте кандидати од вкупно 205 кандидати. Во 2015 година создаде слика од 1001 метри.
Ќе бидат изложени и артефакти од почетоците на „Нова Македонија“ - машина за пишување, фотоапарат, телефон...
Наградата ќе биде доделена во дворот на редакцијата на „Нова Македонија“. мд/вг/
![Цветин 2](/articles/images/%d1%86%d0%b2%d0%b5%d1%82%d0%b8%d0%bd%d0%be%d0%b2%d0%b0-%d0%bd%d0%b0%d0/hS5zPtkAb/placeholder.webp?use_watermark=0)