Цапак: Ситуацијата во Задар ќе се закомплицира ако Ѓоковиќ е позитивен на Ковид-19
- Директорот на Хрватскиот завод за јавно здравје, епидемиологот Крунослав Цапак денеска изјави дека епидемиолошката ситуација во Задар дополнително ќе се закомплицира доколку српскиот тенисер
![Цапак: Ситуацијата во Задар ќе се закомплицира ако Ѓоковиќ е позитивен на Ковид-19](https://mia.mk/index.php/images/20221104014441_big_730x400_29.webp )
Загреб, 23 јуни 2020 (МИА) - Директорот на Хрватскиот завод за јавно здравје, епидемиологот Крунослав Цапак денеска изјави дека епидемиолошката ситуација во Задар дополнително ќе се закомплицира доколку српскиот тенисер Новак Ѓоковиќ е позитивен на Ковид-19.
Тој истакна дека Ѓоковиќ за време на тенискиот турнир Адриа во Задар бил во контакт со многу луѓе, а доколку тој е позитивен, другите ќе мора да бидат во самоизолација.
Цапак наведе и дека хрватскиот премиер Андреј Пленковиќ нема потреба да биде во самоизолација, бидејќи тој немал физички контакт со Ѓоковиќ, туку само се поздравиле, а средбата иако била во затворен простор траеле помалку од три минути.
- Премиерот превентивно се тестира и тој е негативен, посочи Цапак.
Задар стана жариште на новиот коронавирус откако беше објавено дека учесникот на Адриа тур, бугарскиот тенсер Григор Димитров е позитивен на Ковид-19.
Во неделата 22 лица се тестираа, од кои тројца се позитивни. Покрај хрватскиот тенисер Борна Ќориќ, позитивни се и кондициониот тренер на Ѓоковиќ, Марко Паники и тренерот на Димитров, Кристија Гро.
За сега над 80 луѓе се во самоизолација. ми/