Хрватските новинари го повикаа Милановиќ да не ја навредува новинарската професија
- Хрватското здружение на новинари (ХНД) денеска го повика хрватскиот претседател Зоран Милановиќ да престане да ја навредува новинарската професија, оценувајќи дека изјавите на претседателот з
![Хрватските новинари го повикаа Милановиќ да не ја навредува новинарската професија](https://mia.mk/index.php/images/20221113121945_big_730x400_41.webp )
Загреб, 30 април 2022 (МИА) - Хрватското здружение на новинари (ХНД) денеска го повика хрватскиот претседател Зоран Милановиќ да престане да ја навредува новинарската професија, оценувајќи дека изјавите на претседателот за новинарите и медиумите се „несоодветни за осуда“, јави Хина.
ХНД се осврна на изјавата на Милановиќ дека не ги следи медиумите и ги опиша со зборовите: „Ме следат, ме следат како чешање, како инфекција на кожата. Некои работи едноставно не се гледаат. Тоа е страшно лошо. Образовните критериуми се огромни. Тоа е целосно запоставена професија“.
„Нарекувањето на одредени редакции со погрдни имиња и етикетирање не доликува на функцијата на претседателот на републиката во едно демократско општество. ХНД смета дека ваквите оценки на претседателот се навредливи за сите новинари и неприфатливо генерализирање на професија од јавен интерес“, се вели во соопштението.
ХНД смета дека за осиромашената и опустошена новинарска сцена се виновни бројни влади, од сегашните до поранешните, меѓу кои и онаа на Зоран Милановиќ, во чие време, велат, е донесен актуелниот Закон за ХРТ, што остава катастрофални последици. зш/