Хамад: Хамас не се плаши од распоредување израелски сили во Газа, ние сме силен народ
- -Не се плашиме. Ние сме силен народ. Решени сме да продолжиме. Имаме многу борци и има многу луѓе кои сакаат да не поддржат, изјави Хамад за Ал Џезира.
![Хамад: Хамас не се плаши од распоредување израелски сили во Газа, ние сме силен народ](https://mia.mk/index.php/images/20231012094813_big_730x400_53.webp )
Газа, 12 октомври 2023 (МИА) - Членот на политичкото биро на Хамас, Гази Хамад, денеска изјави дека палестинската милитантна група е подготвена за какво било потенцијално распоредување на израелски војници во Газа.
-Не се плашиме. Ние сме силен народ. Решени сме да продолжиме. Имаме многу борци и има многу луѓе кои сакаат да не поддржат, изјави Хамад за Ал Џезира.
Тој додаде дека „дури и луѓето на границите на Јордан, Либан и насекаде, сакаат да дојдат овде и да се борат за нас“.
-Од почетокот на оваа операција, испративме 1.200 борци кои успеаја да го уништат имиџот на Израел, безбедноста на Израел, израелските разузнавачки служби и сликата дека Израел е суперсила, рече Хамад. сд/
фото:МИА архива