Белград, 1 април 2022 (МИА) - Српската новинска агенција Бета објави дека од утрово е мета на хакерски напади. - Станува збор за таканаречени ДДоС напади, кои ја блокираат пристапната врска на нападнатиот сервер до таа мера што станува недостапна за корисниците. Хакерските напади се извршени од така наречениот „облак“ (cloud), поради што не може да се утврди дали доаѓаат од Србија или од странство, објави Бета. Агенцијата наведува дека тимот за техничка поддршка интензивно работи на отстранување на последиците. ми/